Ikaw ang umagang nais kong masilayan
at ang gabi'y para sa ating mga pusong nagmamahalan.
Ang iyong liwanag ang syang pupukaw
sa dilim na bumabalot sa aking isipan
at syang gagabay sa akin palapit
sa iyong mga nakaabang na mga kamay.
Ang aking takbuhan, ang aking tahanan,
sa piling mo'y ibibigay ang aking kalayaan,
at ang pangakong walang ibang hahagkan
'pagkat ang puso kong minsan nang nasaktan,
ay sa iyo natutong magmahal ng walang hanggan.

-eamarifosque 062513-