Igapos natin ang tumatakbong oras
pigilan ang mga kamay na kumukumpas.
Ihinto ang mga segundong bumubuo ng minuto
para hindi sila magkita ng mga oras na nais lumipas
sa bilin ng mundong patuloy sa pag ikot.
Igapos natin ang oras ng mahigpit
huwang syang palayain 'pagkat ito'y ating katapusan.
Panatilihin natin ang sandaling ito
na tayo'y magkatabi at masayang magkapiling.
Basahin natin ang isa't-isa
sa bawat haplos ng mga kamay
sa katawang unti-unting nabubuhay.
Ang mga mata'y patuloy na nangungusap
na angkinin natin ang oras na ito.
Palayain natin ang ikinukubling pag-ibig
na magliyab sa ating mga dibdib
at hayaan syanng lumagos sa ating mga kamay at labi
kung saan tayo maaaring maging isa
habang hawak natin ang nahuli nating oras.
-eamarifosque 042813-
No comments:
Post a Comment